Uzmetkombinat 2026 yildan 2035 yilgacha boʻlgan davr uchun rivojlanish strategiyasining dastlabki natijalarini muhokama qildi. Loyiha boshqaruv qoʻmitasi birinchi yigʻilishi kompaniya direktorlar kengashi raisi B. T. Abdullaev boshchiligida 20 noyabrda boʻlib oʻtdi.
Ernst & Young (EY) va Infrasia mutaxassislari ishlab chiqilayotgan strategiya boʻyicha oʻz dastlabki xulosalarini taqdim etdilar. Yigʻilish ishtirokchilari ishlab chiqarish samaradorligini oshirish, xomashyo resurslari bilan taʼminlash va ishlab chiqarish xarajatlarini kamaytirishning turli usullarini koʻrib chiqishdi.
Bundan tashqari, investitsion loyihalar va ushbu metallurgiya korxonasining raqobatbardoshligini oshirishga qaratilgan choralar muhokama qilindi. Ushbu strategiya korxonani modernizatsiya qilish va sanoat sektoridagi mavqeini yanada mustahkamlashni nazarda tutadi.



