Oʻzbekiston Prezidenti Shavkat Mirziyoyev Ankarada Anadolu Group direktorlar kengashi raisi Kamilxon Suleyman Yaziji bilan uchrashdi. Uchrashuv maqsadi SamAuto avtomobil zavodini zamonavatlashtirish va Oʻzbekistonda yangi investitsion loyihalarni joriy etish masalalarini muhokama qilish edi.
Muzokaralar davomida ikki tomon korporatsiyaning Oʻzbekistondagi alkogolsiz ichimliklar ishlab chiqarish va avtomobil sanoatiga kiritayotgan investitsiyalari mamlakatda olib borilayotgan islohotlarga kompaniyaning ishonchini namoyon etayotganini taʼkidladi.
Samarqanddagi SamAuto zamonavatlashtirish boʻyicha qoʻshimcha loyihalar, zavodning ishlab chiqarish quvvatlarini oshirish va mahsulot eksportini kengaytirishga alohida eʼtibor qaratildi.
Bundan tashqari, ishtirokchilar yirik turk chakana savdo tarmogʻining Oʻzbekiston bozoriga kirib kelishi imkoniyatlari, shuningdek, chorvachilik kompleksini qurish va goʻsht hamda sut mahsulotlari ishlab chiqarish obʼektlarini yaratishni muhokama qildilar.
