Yoqilgʻi-energetika sohasi investorlar Kengashi yigʻilish doirasida Oʻzbekiston prezidenti Shavkat Mirziyoyev Turkiyaning Cengiz Holding boshqaruv kengashi raisi Mehmet Chengiz bilan uchrashdi.
Davlat rahbari Oʻzbekiston va Turkiya oʻrtasidagi savdo hajmining oʻsish surʼatini, shuningdek, birgalikda amalga oshirilgan keng koʻlamli investitsion loyihalarning muvaffaqiyatli yakunlanganligini ijobiy baholadi.
Ushbu uchrashuv chogʻida tomonlar energetika, geologiya va infratuzilmani rivojlantirish sohalarida holding bilan amaliy hamkorlikni chuqurlashtirish imkoniyatlarini muhokama qildilar.
Muloqot ishtirokchilari shuningdek, mamlakatda yangi issiqlik elektr stansiyalarini qurish va elektr tarmoqlarini yangilashni nazarda tutadigan potentsial loyihalarga eʼtibor qaratdilar.