Turkiya madaniyati va turizm vaziri Mehmat Nuri Ersoy qadimgi kemaning botishi tadqiqotlari natijalari haqida maʼlumot berdi. 2025-yil boshidan suv osti arxeologlari Antalya viloyatidagi Adrasan shaharchasi atrofida ish olib borishmoqda.
Taxminan 42–55 metr chuqurlikdagi joyda tadqiqotchilar koʻp miqdordagi keramika buyumlarini topishdi. Bu idishlar dengiz tubida taxminan 2100 yil avval choʻkib ketgan boʻlib, bu ellinistik davr oxiri yoki Rim hukmronligining boshlanishiga toʻgʻri keladi.
Ayniqsa, qadimiy yuk noyob qadoqlash usuli tufayli yaxshi holatda saqlanganligi alohida eʼtiborga loyiq. Buyumlarni qutilarga joylashtirishda gilam qatlamlari bilan ajratilgan boʻlib, bu ularning saqlanishini taʼminlagan.