Ekologiya va iqlim oʻzgarishi milliy qoʻmitasi, Sport vazirligi, Mamktabgacha va maktab taʼlimi vazirligi, Volontyorlar assotsiatsiyasi, Yengil atletika federatsiyasi va Velosport federatsiyalari hamkorligida Toshkentdagi "Yangi Oʻzbekiston" bogʻida bir qator tadbirlar oʻtkazildi.
Butunjahon tozalik kuniga bagʻishlangan tadbirlar doirasida "Green Games" respublika plogging musobaqasi oʻtkazildi. Shuningdek, Xalqaro avtomobilsiz kun munosabati bilan "Yoshlar va ekologiya" xalqaro yugurish marafoni hamda "Ekologiya va velosport" musobaqasi tashkil etildi.