IT Park Uzbekistan 2026-yilda Asiyo-Okeaniya hisoblash sanoati tashkilotiga (ASOCIO) rasman qoʻshildi. Bu aʼzolik parkni Osiyo va Okeaniya mamlakatlaridagi texnologik assotsiatsiyalar va kompaniyalarni birlashtiruvchi tashkilotning bir qismi qiladi.
Aʼzolik tasdiqlanishi startaplar va ventura loyihalari Sammiti oʻtkazilgandan soʻng amalga oshdi. ASOCIO prezidenti Sten Singh-Jit IT Park Uzbekistan vakiliga aʼzolik toʻgʻrisidagi rasmiy sertifikatni topshirdi.
ASOCIO axborot va aloqa texnologiyalari sohasida faoliyat yurituvchi 20 000 dan ortiq kompaniyani va Osiyo hamda Okeaniya mamlakatlarining turli 25 ta professional assotsiatsiyasini birlashtiradi.
IT Park Uzbekistanning qoʻshilishi mamlakatdagi texnologik kompaniyalar uchun xalqaro ASOCIO tarmogʻining aʼzolari bilan bogʻlanish, hamkorlar izlash va yangi bozorlarga chiqish imkoniyatlarini kengaytiradi. Bundan tashqari, aʼzolik mintaqaning butun texnologiya sohasi vakillari bilan oʻzaro aloqa qilish va xalqaro tashabbusotlar va imkoniyatlarga kirish imkonini beradi.