Toshkentda oʻtgan iliq mavsumda isitish boʻyicha belgilangan normalar talablariga javob bermagan koʻp kvartirali uylarda tekshiruvlar boshlanadi. 21-sentabrdan boshlab bu binolarda energetik audit oʻtkaziladi.
Toshkentda oʻtgan iliq mavsumda isitish boʻyicha belgilangan normalar talablariga javob bermagan koʻp kvartirali uylarda tekshiruvlar boshlanadi. 21-sentabrdan boshlab bu binolarda energetik audit oʻtkaziladi.
Toshkent hokimiyati matbuot xizmatining maʼlumotiga koʻra, tekshiruvlar Jahon banki mutaxassislari yordamida amalga oshiriladi. Audit uchun uylar poytaxt hokimiyati tomonidan tashkil etilgan manzillar boʻyicha tekshiruvlar oʻtkazilgandan soʻng tanlangan.
Mutaxassislar binolarning texnik va energetik holatini baholaydi, issiqlik yoʻqotish manbalarini aniqlaydi, shuningdek, tashqi devorlar, tom, fondatsiya, eshiklar, oynalar va ichki isitish tizimlarini oʻlchaydi.
Har bir uyda issiqlik yoʻqotilishiga olib keladigan asosiy omillar aniqlanadi va bu muammolarni bartaraf etish uchun texnik yechimlar ishlab chiqiladi. Audit natijalariga asoslanib, Toshkentdagi koʻp kvartirali uylarni samarali isitish uchun yagona metodologiya yaratilishi rejalashtirilmoqda.
Bu metodologiya yashash binoining energiya samaradorligini baholashga, modernizatsiya qilishga muhtoj obʼektlarni aniqlashga, issiqlik yoʻqotishini kamaytirish va energiya tejovchi yechimlarni joriy etish choralari koʻrishga imkon beradi.
Oʻzbekistonda nogironlar uchun yangi imkoniyatlar ochilmoqda. Mehnat bozoriga integratsiya va ijtimoiy himoyani kuchaytirish masalalarida xalqaro hamkorlik kengaymoqda.
Mutaxassislar fikricha, butun dunyoda suvga boʻlgan ehtiyoj doimiy ravishda ortib bormoqda. Bu suvdan ratsional foydalanishni va uning sarfini aniq belgilashni talab qiladi. Ayniqsa, qishloq xoʻjaligida suvdan ratsional foydalanish muhimdir.
Global geosiyosiy qarama-qarshiliklar va iqtisodiy beqarorlik sharoitida mamlakatdagi tinchlik nafaqat siyosiy barqarorlik, balki iqtisodiy rivojlanishning muhim omilidir. Ayniqsa, turizm sohasida davlatning xavfsiz yoʻnalish sifatida tasviri turistlar va xorijiy investitsiyalarni jalb qilishda hal qiluvchi rol oʻynaydi.
